terça-feira, 23 de setembro de 2008

Ampeço - Começo

Este ye l blogue de la quadrilha de San Pedro de la Silba a trabalhar ne l Reconhecimiento, Balidaçon i Certeficaçon de Cumpeténcias cun l Centro de Nuobas Ouportunidades de l Campus Académico de Macedo de Cabaleiros – Anstituto Piaget.
Ban-se eiqui a poner cachicos de ls PRAs – Portefólios Reflexibos de Aprandizaiges – de las pessonas de la quadrilha, para las animar a screbir esses mesmos testos, para atiçar l uso de las nuobas tecnologies i tamien para abrir ua jinela subre l pobo de San Pedro de la Silba i l sou ancumparable mundo de usos, questumes i tradiçones, la sue stória… la sue alma!
Bai a ser un sítio cun dues lhénguas, tantas cumo las que ténen ls sous outores. Eiqui scribe-se an Mirandês i an Pertués, las dues lhénguas de Pertual.
/
Este é o blogue do grupo de São Pedro da Silva a desenvolver o processo de Reconhecimento, Validação e Certificação de Competências junto do Centro Novas Oportunidades do Campus Académico de Macedo de Cavaleiros - Instituto Piaget.
Aqui serão publicados excertos dos PRAs – Portefólios Reflexivos de Aprendizagens - dos adultos, como forma de estimular a construção desses mesmos PRAs, para despertar a apetência para o uso das novas tecnologias e, concomitantemente, abrir uma janela sobre a aldeia de São Pedro da Silva e o seu incomparável universo de usos, costumes e tradições, a sua história… a sua alma!Será um espaço bilingue, como bilingues são os seus autores. Escrever-se-á, aqui, em mirandês e português, as duas línguas de Portugal.

1 comentário:

AF disse...

Ora buonas nuites a todo mundo que faç este blogue.

San Pedro yá percisaba dua cousa assi, i inda porriba ye ua malta que stá nun porjeto special, an que son pioneiros.
Mas que cuntento quedo de ls ber porqui!, por estes caminos de l'anternete.
Quedo anton a spera de la publicaçon desses PRAs i de l mais que mos quejirdes oufrecer.
Tamien gustei de ls dezires de l Tiu Jesé Lheite que ponistes a la cabeceira de l buosso blogue.

Antoce, bá, un abraço, i até... que bou eilhi i yá torno.
Yá pus ua porpaganda i lhigaçon de l buosso blogue ne l http://frolesmirandesas.blogspot.com

Amadeu Ferreira